ئەمڕۆ ٢١/٠٢/٢٠١٠ د. بەرهەم ئەحمەد ساڵح سەرۆکی حکومەتی هەرێمی کوردستان لەتەلاری ئەنجومەنی وەزیران پێشوازیکرد لەد. ئەیاد سامەرائی سەرۆکی ئەنجومەنی نوێنەرانی عیراق و سەبارەت بەدۆخی سیاسیی عیراق و چۆنیەتی ئامادەسازی هەڵبژاردنی ئەنجومەنی نوێنەران و بەڕێوەچوونی بانگەشەی هەڵبژاردن گفتوگۆ کرا.

 هەردولا باسیان لەوەکرد پێویستە زەمینەی هەڵبژاردنێکی ئازاد ساز بکرێت و هەموو لایەنەکان بتوانن بانگەشەی خۆیان بەئازادی بەڕێوە ببەن. دەربارەی هەلومەرجی ئەمنی موێل- و دەوروبەریشی تەئکید کرایەوە کەبەڕێگەی دیالۆگ و لێکگەیشتن و دوو لەرەفتاری تاکڕەوانە  کێشەکان چارەسەر بکرێن .

 هەر لەو دیدارەی نێوان سەرۆکی حکومەتی هەرێم و سەرۆکی ئەنجومەنی نوێنەرانی عیراق گفتوگۆ دەربارەی کێشە هەڵواسراوەکانی نێوان بەغداو هەولێر کراو چارەسەرکردنیان بەقازانجی سەرجەم عیراق و پێکهاتەکانی وەسفکرا، لەوبارەیەوە د. ئەیاد سامەرائی دوپاتی کردەوە کەبوونی هەرێمێکی پێشکەوتوو و بەهێز، واتا بوونی عیراقێکی بەهێزو گەشەسەندوو، بۆیە پێویستە بەجدی بیر لەچارەسەری ئەو کێشەو گرفتانە بکرێتەوە.

هەر لەومیانەیەدا سەرۆکی حکومەتی هەرێمی کوردستان پابەندی هەرێمی کوردستانی بەدەستوور و بەرژەوەندی گشتی عیراق دووپاتکردەوە، روونیشیکردەوە کەچارەسەرکردنی ئەو کێشانە لەقازانجی بەرەوپێشەوەچوونی پرۆسەی سیاسیی و بوژانەوەی هەموو عیراقە.