|
بهبۆنهی دهستپێكردنی ههڵمهتی بانگهشهی ههڵبژاردنهكانی
ئهنجومهنی نوێنهرانی عیراقهوه كه ئهمڕۆ 12/2 دهستیپێكرد،
د.بهرههم ئهحمهد ساڵح سهرۆكی حكومهتی ههرێمی كوردستان پهیامێكی
ئاراستهی كۆمهڵانی خهڵكی كوردستان كرد كه ئهمه دهقهكهیهتی:
كۆمهڵانی خهڵكی بهشهرهفی كوردستان
حیزب و قهواره سیاسیهكانی بهشدار له ههڵبژاردن..
بهبۆنهی دهستپێكردنی بانگهشهی ههڵبژاردنی ئهنجومهنی نوێنهرانی
عیراقهوه، جوانترین پیرۆزبایی پێشكهش به ههموو گهلانی عیراق بهگشتی
و جهماوهری بهشهرهفی خهڵكی كوردستان دهكهین و هیوادارین
بانگهشهی ههڵبژاردن و كێبڕكێی نێوان هێزو قهوارهسیاسییهكان
بهشێوازێكی شارستانیانهی دوور له تانهو تهشهر و لهچوارچێوهی ئهو
رێوشوێنه یاساییانهدا بهڕێوه بچێت كه كۆمسیۆنی باڵای ههڵبژاردنهكان
و یاسا دیاریكردووه.
ئێمه له حكومهتی ههرێمی كوردستان ههموو توانایهك
دهخهینه كار بۆ رهخساندنی كهشێكی ئارام و لهبار بۆ بانگهشهی
ههڵبژاردن و داواكارین ههموو قهواره سیاسییهكانیش پابهندی یاسا و
رێنماییهكانی دام و دهزگا ئیداریی و ئهمنیهكانی ههرێم بن، تا ئهم
بانگهشهیه بكهینه كهڕنهڤاڵی خۆشی و شادی بۆ گهلهكهمان و
ههموومان هاندهربین كه كۆمهڵانی خهڵكی كوردستان به گوڕو تین و گیانی
تێكۆشانهوه بهشداری له ههڵبژاردندا بكهن و نوێنهرانی خۆیان بۆ
ئهنجومهنی نوێنهرانی عیراق ههڵبژێرن.
ئهگهر ههڵبژاردن وهك پرۆسهیهكی دیموكراسی بۆ
گهلانی تر، ماف بێت و بهشداریكردن لهههڵبژاردن مومارهسهكردنی مافی
دیموكراسیانهی تاك بێت، ئهوا بۆ ئێمهی كورد ئهركێكی نهتهوایهتی و
نیشتمانی و دیموكراسیشه، چونكه هێشتا بهشێك له مافهكانی خهڵكی
كوردستان به دهستنههاتوون و زۆر كێشهو گیروگرفت و مافی گهلهكهمان
ماون له نێوان ههرێم و حكومهتی ئیتیحادیدا به چارهسهر نهكراویی
ماونهتهوه و بهردهوام پێویستمان بهوهیه پایهی كورد له
ئهنجومهنی نوێنهران بههێزتر بكهین تا بتوانین لهلایهك حیمایهی
یاسایی مافه بهدهستهاتووهكانمان بین، و لهلایهكیتریشهوه ئهو
خواست و مافانهی تری خهڵكی كوردستان بهدی بهێنینهوه كه هێشتا به دی
نههاتوون.
ههروهك ئهم ههڵبژاردنه بۆ گهلانی عیراق بهگشتی و
گهشهپێدانی پرۆسهی سیاسی عیراق گرنگه و دهبێته خاڵی وهرچهرخان له
هاوكێشه سیاسییهكانی وڵاتدا، كاریگهری لهسهر ئاراسته و جۆری
حوكمڕانی داهاتووی عیراق جێ دههێڵێ، بۆیه گرنگه كۆمهڵانی خهڵكی
كوردستان له ناو ههرێمی كوردستان و خوشك و براكانمان له ناوچه
كوردستانییهكانی دهرهوهی ئیدارهی ههرێمی كوردستان، بهشدارییهكی
كارای ههڵبژاردن بین و بتوانین به قهبارهیهكی بههێزهوه له
ناوهندی بڕیار بهشدار بین.
له ئێستاوه بۆ رۆژی ههڵبژاردن چاوهڕوانی ئهوهمان
له هێزو قهواره سیاسییهكانی ههرێمی كوردستان ههیه كه به
پابهندبوون به رێنمایی و رێوشوێنه یاساییهكان، بانگهشهی ههڵبژاردن
له كوردستان بكهینه كهرنهڤاڵی خۆشی و شادی و سهركهوتن و سهرفرازی
بۆ گهلهكهمان. |
