|
ئەمڕۆ 19-1-2010 بەڕێز دکتۆر بەرهەم ساڵەح سەرۆکى حکومەتى هەرێمى کوردستان پێشوازیکرد لە دکتۆر ئەیاد عەلاوى
لەو دیدارەدا کە ئازاد بەروارى جێگرى سەرۆکى حکومەت ئامادەیبو باس لە بەرەو پێشچونى بارودۆخى عێراق بەگشتى کراو تەئکیدیان کردەوە کە پێویستە هەموو پێکهاتەکانى عێراق ڕۆڵیان هەبێت لەسەرخستنى پرۆسەى سیاسى و سەقامگیرى عێراقدا.
هەر لەو دیدارەدا باس لە قۆناغى سیاسى ئێستاى عێراق کرا، کە بەرەو هەڵبژاردنێکى چارەنوسساز هەنگاو دەنێت، لەو میانەیەدا تەئکیدیان کردەوە کە نابێت پرۆسەى هەڵبژاردن بە سیاسى بکرێت و پێویستە هەموو پێکهاتەکانى عێراق بەشدارییەکى کارا بکەن لەسەرخستنى پرۆسەکەدا.
هەروەها باس لەگرنگى بەشداریکردنى سەرجەم لایەنەکان کرا کە بڕوایان بە دەستورى عێراق هەیەو کار دەکەن بۆ زیاتر لە یەکتر نزیکبونەوەى سەرجەم پێکهاتەکانى عێراق و بڕوایان بە مافى تەواوى پێکهاتەو نەتەوەکان هەیە بە بێ جیاوازى. |
