ئه‌مڕۆ 6/1/2010 سه‌رۆكی حكومه‌تی هه‌رێمی كوردستان دوكتور بەرهەم سالەح پێشوازیكرد له‌ خاتوو مارگریت مه‌ن ئه‌ندامی په‌رله‌مانی به‌ریتانیاو سه‌رۆكی كۆمه‌ڵی كوردی لەپەرلەمانی بەريتانياو لەدانيشتنيكدا سه‌باره‌ت به‌دۆخی سیاسی عیراق و كوردستان گفتوگۆ كرا.
له‌ودیداره‌دا هه‌ردوولا ته‌ئكیدیان له‌سه‌ر په‌ره‌پێدانی په‌یوه‌ندی نێوان به‌ریتانیاو عیراق و هه‌رێمی كوردستان كرده‌وه‌، هه‌روه‌ها باس له‌رێوشوێنی به‌هێزكردنی په‌یوه‌ندی ئابوری و بازرگانی و كلتوری كرا. له‌وباره‌یه‌وه‌ سه‌رۆكی حكومه‌تی هه‌رێم ئاماژه‌ی به‌وه‌دا كه‌ئه‌ندامانی په‌رله‌مانی به‌ریتانیا له‌و بواره‌دا ده‌توانن رۆڵی گرنگ ببین له‌هاندانی كۆمپانیاو وه‌به‌رهێنه‌ به‌ریتانییه‌كان بۆ ئه‌وه‌ی روو له‌كوردستان بكه‌ن.
سه‌رۆكی حكومه‌تی هه‌رێم داواشیكرد له‌بواری گه‌شه‌پێدانی هوشیاری دیموكراسی و خوێندن و خوێندنی باڵا هاوكاری هه‌رێمی كوردستان بكرێت، كه‌ئێستا بۆته‌ ناوچه‌یه‌كی ئارام له‌چاو ناوچه‌كانی تری عیراقدا.