ئەمڕۆ 26/11/2009 د.بەرهەم ئەحمەد ساڵح سەرۆکی حکومەتی هەرێمی کوردستان پێشوازیکرد لە"مەوریزیۆ مێلانی"، باڵیۆزی ئیتاڵیا لەعیراق و لەدیدارێکدا باس لەپەیوەدیەکانی هەرێمی کوردستان و عیراق ئیتاڵیا کرا.
لەودیدارەی سەرۆکی حکومەتدا لەگەڵ باڵیۆزی ئتاڵیا لەعیراق کەبەرپرسی پەیوەدیەکانی حکومەتی هەرێم فلاح مصطفى تیایدا ئامادە بوو، باس لەگرنگی پەیوەندی هەرێم و وڵاتی ئیتاڵیا کرایەوە، لەوبارەیەوە سەرۆکی حکومەت ئاماژەی بەوەدا کەکوردستان ژینگەیەکی لەبارە بۆ کۆمپانیا و وەبەرهێنە دەرەکیەکان بۆ ئەوەی لەکوردستان کاری وەبەرهێنان ئەنجام بدەن، کوردستانیشی وەکو دەروازەی ناوچەکانی تری عیراق وەسفکرد.
لەدرێژەی کۆبوونەوەکەدا گفتوگۆ لەبارەی هاوکاری کۆمپانیاو شارەزایانی ئیتاڵیا کرا سەبارەت بەگەشەپێدانی کەرتەکان کشتوکاڵ و پیشەسازی و خوێندن و تەندروستی سەرجەم بوارەکانی تر، لەوباریەوە باڵیۆزی ئیتاڵیا ئامادەیی وڵاتەکەی بۆ هەموو جۆرە هاوکارییەک دووپاتکردەوە.
سەبارەت بەدۆخی سیاسی عیراق و یاسای هەڵبژاردنەکان و پێویستی ئەنجامدانی وەکو مافێکی دەستووری عیراقییەکان لەوادەی خۆیدا گفتوگۆ کرا.