|
سهرلهئێوارهی
ئهمڕۆ 11/15/2009 د.بهرههم ئهحمهد ساڵح پێشوازیكرد له باڵیۆزی بهرازیل له
بهغدا و له دیدارێكدا باس لهپهیوهندی نێوان وڵاتی بهرازیل و ههرێمی
كوردستان و عیراق كرا.
باڵیۆزی بهرازیل ئاماژهی بهو پێشكهوتنهدا كه لهكوردستان بهگشتی
بهدیهاتووه و دووپاتیكردهوه لهههر سهردانێكیدا دهستكهوت و
پێشكهوتنی زیاتر بهدیدهكات، كه نیشانهی بایهخدانی حكومهتی ههرێمه
بهخزمهتكردنی ههرێمی كوردستان.
ههر لهو دیدارهدا باڵیۆزی بهرازیل بهناوی حكومهتهكهیهوه
رایگهیاند كه خوازیاری پهیوهندییهكی دۆستانهن لهگهڵ عیراق و
كوردستان، بهشێوهیهك كه خزمهتی بهرژهوهندییهكانی ههردوولا بكات.
سهرۆك وهزیرانی ههرێمی كوردستان پهیوهندی نێوان بهرازیل و عیراق و
كوردستانی بهگرنگ وهسفكرد و داوایكرد كه وڵاتی بهرازیل هاوكاری
ههرێمی كوردستان بكات بههاندانی كۆمپانیا و وهبهرهێنه
بهرازیلییهكان بۆ ئهوهی روو له كوردستان بكهن.
ههروا د.بهرههم روونیشیكردهوه كه دهكرێ كوردستان وهكو دهروازهی
ههموو عیراق سهیر بكرێت بۆ وهبهرهێن و سهرمایهی دهرهكی، چونكه
باودۆخی ئاسایش تێیدا ئارامه و ژینگهیهكی یاسایی تهندروستیش
لهئارادیه و بهگوێرهی یاسایهكی تایبهت مامهڵه لهگهڵ كۆمپانیا
بیانییهكان دهكرێت. |
